ქუთაისის საქალაქო სასამართლოში მორაგბე მერაბ კვირიკაშვილის საქმის განხილვა განახლდა. პროცესს მერაბ კვირიკაშვილი ადვოკატთან და მეგობრებთან ერთად ესწრება. დარბაზში ასევე იმყოფებიან გარდაცვლილი გიორგი პაპასკირის ოჯახის წევრები.

პროცესს მოსამართლე მურთაზ კაპანაძე უძღვება. დღევანდელ პროცესზე ავტოსაგზაო შემთხვევის თვითმხილველები მოწმის სახით დაიკითხებიან.

შეგახსენებთ, რომ 2016 წელს ქუთაისის შემოვლით გზაზე ავტოსაგზაო შემთხვევის შედეგად ოთხი ადამიანი გარდაიცვალა.