რუსთავის საკრებულოს თავმჯდომარემ საკრებულოს საქმიანობის ანგარიში წარადგინა

რუსთავის მუნიციპალიტეტის საკრებულოს თავმჯდომარე ლევან ონიანმა გიგა ლორთქიფანიძის სახელობის თეატრში, საკრებულოს საქმიანობის შესახებ ანგარიში წარადგინა.

როგორც ,,ინტერპრესნიუსს“ რუსთავის თვითმმართველობიდან აცნობეს, საკრებულოს თავმჯდომარემ, რუსთაველებს თვითმმართველობის ორგანოს 7 თვის მუშაობის შედეგები გააცნო.

ლევან ონიანმა, საანგარიშო მოხსენებაში, საკრებულოში ინიცირებულ საკითხებზე, რუსთავში განხორციელებულ ინფრასტრუქტურულ, სოციალურ, კულტურულ და სხვა სახის პროექტებზე ისაუბრა.

პრეზენტაციას, ქვემო ქართლის გუბერნატორი გრიგოლ ნემსაძე, რუსთავის მერი ირაკლი ტაბაღუა, ქვემო ქართლის რეგიონის მუნიციპალიტეტების მერები და საკრებულოს თავმჯდომარეები, რუსთავის საკრებულოს დეპუტატები, არასამთავრობო სექტორისა და მედიის წარმომადგენელები ესწრებოდნენ.