მაიკ პომპეო - პრეზიდენტი ტრამპი ჩრდილოეთ კორეას ნათელი მომავლის გარანტიას აძლევს

აშშ-ს პრეზიდენტი დონალდ ტრამპი ჩრდილოეთ კორეას ნათელი მომავლის გარანტიას აძლევს იმ შემთხვევაში თუ ჩრდილოეთ კორეის ბირთვული პრობლემა საბოლოოდ გადაიჭრება, - ამის შესახებ ფხენიანში ოფიციალური ვიზიტით მყოფმა აშშ-ს სახელმწიფო მდივანმა მაიკ პომპეომ განაცხადა.

„პრეზიდენტი ტრამპი ჩრდილოეთ კორეას ნათელი მომავლის გარანტიას აძლევს. თუმცა, საამისოდ საჭიროა კორეის ნახევარკუნძულის სრული დენუკლეარიზაციის განხორციელება“, - აღნიშნა აშშ-ს სახელმწიფო მდივანმა.

დღეს მაიკ პომპეომ მოლაპარაკების მეორე რაუნდი დაიწყო „შრომის პარტიის“ ერთიანი ფრონტის განყოფილების ხელმძღვანელთან კიმ იონ ჩხოლესთან.

ეს აშშ-ს სახელმწიფო მდივნის მაიკ პომპეოს რიგით მესამე ვიზიტია ჩრდილოეთ კორეაში. მაიკ პომპეოს ვიზიტი დღეს სრულდება, რის შემდეგაც ის იაპონიაში გაემგზავრება, სადაც შეხვედრებს გამართავს იაპონელ და სამხრეთ კორეელ კოლეგებთან.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება