ზუგდიდის ცენტრალური ბულვარის ნაწილი დაიტბორა

უხვი ნალექის შედეგად ზუგდიდის ცენტრალური ბულვარის ნაწილი დაიტბორა. როგორც „ინტერპრესნიუსს“ ზუგდიდის მერიის ინფრასტრუქტურის სამსახურში განუცხადეს, ამის მიზეზი ბულვარის ტერიტორაზე საწრეტი მილების გაჭედვაა.

„უკვე გამოძახებულია შესაბამისი სამსახურები, რომლებიც დაასუფთავებენ მილებს. რაც შეეხება წყლის მიმართულების შეცვლას, შევადგენთ პროექტს და უახლოეს მომავალში გადაიჭრება ეს პრობლემა. ამას რამდენიმე ასეული ლარი დასჭირდება“, - აღნიშნა მერიის ინფრასტრუქტურის სამსახურის წარმომადგენელმა ბორის ღადუამ.

ბულვარის რეკონსტრუქცია გასული წლის დეკემბერში დაიწყო. ზუგდიდის ცენტრალურ ბულვარში მოეწყო სანიაღვრე არხი და შშმ პირებისთვის პანდუსები. გარდა ამისა, დამონტაჟდა გარე განათება. მოეწყო ახალი სკამები და სანაგვე ურნები, დაირგო ახალი მცენარეები. სამუშაოები ტენდერში გამარჯვებულმა შპს „გრინსერვისი“ განახორციელა. პროექტის ჯამური ღირებულება 910 ათას 532 ლარია.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა