ქუთაისის ცენტრში დეკორატიული მცენარეები დააზიანეს

ქუთაისში, რუსთაველის გამზირზე, ადგილობრივი მერიისა და ცენტრალური „ბულვარის“ მიმდებარე ტერიტორიაზე, უნიკალური ჯიშის დეკორატიული მცენარეები დააზიანეს.

წინასწარი ინფორმაციით, ორმა მამაკაცმა კიპაროსის ხეები გადატეხა და სხვა ნარგავები გაანადგურა. აღნიშნულის გამო ქუთაისის მერიის კეთილმოწყობისა და ინფრასტრუქტურის სამსახურმა სამართალდამცავებს უკვე მიმართა.