ქუთაისში, ნიკეას ქუჩაზე ხანძარია

ქუთაისში, ნიკეას ქუჩაზე ხანძარია. არსებული ინფორმაციით, საერთო საცხოვრებელში ბუნებრივი აირის ბალონი აფეთქდა. ბუნებრივი აირის ბალონის აფეთქებას ჯერჯერობით ვერ ადასტურებენ საგანგებო სიტუაციების მართვის სამსახურში. მათი ინფორმაციით, ცეცხლი სხვენს უკიდია. წინაწარი მონაცემებით, დამწვარია 300 კვ.მ ფართობი.

ადგილზე 10 სახანძრო ეკიპაჟი მუშაობს. შემთხვევის შედეგად არავინ დაშავებულა. მიმდინარეობს ცეცხლის ლოკალიზება.