ჭუბერში დროებითი ხიდის დამონტაჟებას დაახლოებით 3-4 დღე დასჭირდება
ჭუბერის ცენტრში დროებითი ხიდის კონსტრუქციები მიიტანეს. რკინის კონსტრუქციები თავდაცვის სამინისტროს მანქანებით შეიტანეს. ტარდება არქიტექტურული სამუშაოები, რათა ზუსტად განისაზღვროს, თუ სად განთავსდება დროებითი ხიდი, რომელიც მდინარე ნენსკრას მარჯვენა და მარცხენა სანაპიროს ერთმანეთთან დააკავშირებს.
გზების დეპარტამენტის ინფორმაციით, აღნიშნულ სამუშაოებს დაახლოებით 3–4 დღე დასჭირდება, რის შემდეგაც შესაძლებელი გახდება ტექნიკის მეორე მხარეს გადაყვანა, რომელიც ადგილზე სხვადასხვა ინფრასტრუქტურულ სამუშაოს ჩაატარებს.
