გია გაჩეჩილაძე - პარლამენტმა მუშაობა სრულად თბილისში უნდა გააგრძელოს, განსაკუთრებით, როდესაც საგანგებო სიტუაციაა

ფრაქცია „ქართული ოცნება - მწვანეების“ თავმჯდომარე გია გაჩეჩილაძე მიიჩნევს, რომ პარლამენტმა მუშაობა სრულად თბილისში უნდა გააგრძელოს. მან ჟურნალისტებთან საუბრისას ამის მიზეზად საგანგებო სიტუაციების დროს გადაწყვეტილების ოპერატიულად მიღება დაასახელა.

გაჩეჩილაძემ ასევე ისაუბრა სტიქის ზონაში სამხედრო ძალის გაგზავნის თემაზეც და განაცხადა, რომ ეს იქნება ტექნიკა, რომელსაც რთულ პირობებში შეუძლია გავლა.

„ეს არ იქნება შეიარაღებული ძალები, ეს იქნება ტექნიკა და დიდი ტევადობის მანქანები, რომელთაც გაუვალ პირობებში შეუძლიათ გავლა, ასევე, ტრანსპორტიორები, რომელთაც შეუძლიათ ადიდებულ მდინარეში შესვლა. ბუნებრივია, ეს ყოველთვის ასე ხდება, მაგრამ სამწუხაროა, რომ ქუთაისში გვიწევს ჩამოსვლა. სჯობს ეს ყველაფერი თბილისში ოპერატიურად ხდებოდეს, განსაკუთრებით, როდესაც საგანგებო სიტუაციაა. სჯობს, სრულად გადავიდეს პარლამენტი თბილისში, რადგან ხარჯთანაა დაკავშირებული და კარგად იმოქმედებს ოპერატიულობაზე“, - განაცხადა გია გაჩეჩილაძემ.

სტიქიის ზონაში სამხედრო ძალების გაყვანის მიზნით გუშინ პარლამენტში რიგგარეშე სხდომა გაიმართა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა