ხაშურის მუნიციპალიტეტის საბიბლიოთეკო გაერთიანების საბავშვო ბიბლიოთეკასთან არსებული მუსიკალურ-თეატრალური სტუდიის ბავშვები გაცვლითი პროექტის ფარგლებში ბათუმს სტუმრობდნენ.

როგორც „ინტერპრესნიუსს“ ხაშურის მუნიციპალიტეტიდან აცნობეს, მათ ბათუმის აკაკი წერეთლის სახელობის საჯარო ბიბლიოთეკის საბავშვო განყოფილებაში ბათუმელი თანატოლებისთვის ირმა მალაციძის პიესის მიხედვით დადგმული სპექტაკლი "სამშვენიეროს ლამაზმანები" წარადგინეს.

„ღონისძიება ხაშურის მუნიციპალიტეტის მერიის, განათლების, კულტურის და სპორტის სამსახურის მხარდაჭერით შედგა. საბიბლიოთეკო გაერთიანების დირექტორ მაკა დიდებულიძის და მუსიკალური-თეატრალური სტუდიის ხელმძღვანელ ნონა ტეფნაძის განცხადებით, ხაშურის მუნიციპალიტეტის საბიბლიოთეკო გაერთიანებასა და ბათუმის საბავშვო ბიბლიოთეკას შორის თანამშრომლობა მომავალშიც გაგრძელდება“, - ნათქვამია ინფორმაციაში.