ქეთევან ციხელაშვილი - მავთულხლართები, თხრილები და სხვადასხვა სახის დაბრკოლებები ღია ოკუპაციის რეალურ და სიმბოლურ სახედ იქცა

მავთულხლართები, თხრილები და სხვადასხვა სახის დაბრკოლებები დღეისთვის იქცა ღია ოკუპაციის რეალურ და სიმბოლურ სახედ, - ამის შესახებ შერიგებისა და სამოქალაქო თანასწორობის საკითხებში საქართველოს სახელმწიფო მინისტრობის კანდიდატმა ქეთევან ციხელაშვილმა ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროების, იურიდიულ საკითხთა და საპროცედურო საკითხთა და წესების კომიტეტების გაერთიანებულ სხდომაზე განაცხადა, რომელზეც მთავრობის შემადგენლობისთვის და სამთავრობო პროგრამისთვის ნდობის გამოცხადების საკითხი განიხილება.

ქეთევან ციხელაშვილმა სამთავრობო პროგრამის წარდგენისას ოკუპირებულ ტერიტორიებსა და იმ ტრაგედიებზე ისაუბრა, როდესაც საქართველოს არაერთი მოქალაქე დაიღუპა.

„მავთულხლართები, თხრილები და სხვადასხვა სახის დაბრკოლებები დღეისთვის იქცა ღია ოკუპაციის რეალურ და სიმბოლურ სახედაც. ეს არის ის დაბრკოლებები, რომელიც ჰყოფს ოჯახებს, ნათესავებს, სოფლებს, რომელიც მზარდ იზოლაციაში აქცევს ორივე რეგიონში აფხაზეთსა და ცხინვალში მცხოვრებ მოსახლეობას, რომლის გასწვრივაც რეგულარულად აკავებენ ადგილობრივებს და სხვათა შორის, წინა წლის სტატისტიკით, 3-ჯერ უფრო მეტი იყო ოკუპირებული ტერიტორიებიდან კონტროლირებადზე გადმოსვლის მცდელობისას ეს, ვიდრე პირიქით. მხოლოდ ამ ერთი მაგალითიდან ჩანს აშკარად და ნათლად, რომ დაყოფისა და დაშორიშორების ეს სტრატეგია ყოველთვის აქტიურდება, განსაკუთრებით ბოლო პერიოდში ძალიან მაზარდი ადამიანური ურთიერთობების პარალელურად.

ჩვენ ვიქნებით შეურიგებელი ადამიანის სიცოცხლის, უსაფრთხოების და უფლებების წინააღმდეგ მიმართული ნებისმიერი ქმედების მიმართ, რომლის უმძიმესი გამოვლინებებიც გახლდათ ბოლო პერიოდში ბაშარულის, ოთხოზორიასა და ტატუნაშვილის ტრაგედიები. მაგრამ ამავდროულად გავაკეთებთ ყველაფერს იმისთვის, რომ მცხოვრებლების უფლებები იყოს დაცული“, - განაცხადა ქეთევან ციხელაშვილმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს