პარლამენტის სამმა კომიტეტმა მინისტრობის კანდიდატებს მხარი დაუჭირა

განათლების, მეცნიერებისა და კულტურის, სპორტისა და ახალგაზრდულ საქმეთა და ჯანმრთელობის დაცვისა და სოციალურ საკითხთა კომიტეტების გაერთიანებულმა სხდომამ მინისტრობის კანდიდატებს მხარი დაუჭირა.

კომიტეტების გაერთიანებულ სხდომაზე განათლების მინისტრობის კანდიდატს, მიხეილ ბატიაშვილს და ჯანდაცვის მინისტრობის კანდიდატს დავით სერგეენკოს მოუსმინეს.

სხდომას ესწრებოდა კულტურის და სპორტის ყოფილი მინისტრი მიხეილ გიორგაძე, რომელსაც დეპუტატებმა გაწეული საქმიანობისთვის მადლობა გადაუხადეს.