პრობლემა არის ხელისუფლება, რომელმაც ამდენი წლის განმავლობაში სათანადო რეაგირება ვერ მოახდინა – ვერც კანონი შეცვალა და ვერც არსებული აამოქმედა, – ამის შესახებ „ევროპული საქართველოს“ წევრმა ოთარ კახიძემ მინდელის შახტში მომხდარ შემთხვევასთან დაკავშირებით განაცხადა.

,,სახელმწიფოსთვის ამ კომპანიის გადაცემა, რა თქმა უნდა, არასწორია იმიტომ, რომ სახელმწიფო მითუმეტეს ვერ მიხედავს ქვანახშირის მომპოვებელ შახტს. ეს არის კერძო სექტორის საქმე. უნდა მოხდეს ან ხელახალი პრივატიზაცია ამ საბადოსი, ან თუ გამოდის, რომ ადამიანების ხოცვის გარეშე ქვანახშირს ვერ მოვიპოვებთ, აქცენტი უნდა გაკეთდეს ადამიანის სიცოცხლის სასარგებლოდ. თითის გაშვერა, რომ კვირიკაშვილის ბრალია, ხვალ ბახტაძის ბრალი იქნება. რეალური პრობლემა გვაქვს სხვაგან – პრობლემა არის ხელისუფლება, რომელმაც ამდენი წლის განმავლობაში სათანადო რეაგირება ვერ მოახდინა, ვერც კანონი შეცვალა და ვერც არსებული აამოქმედა“, - განაცხადა ოთარ კახიძემ, რომლის კომენტარს „ევროპული საქართველო“ ავრცელებს.