არჩილ თალაკვაძე - სოციალური დახმარების პარალელურად, ადამიანს უნდა ჰქონდეს შესაძლებლობა დამატებით სამუშაო მოძებნოს

სოციალური დახმარების პარალელურად, ადამიანს უნდა ჰქონდეს შესაძლებლობა, მოძებნოს დამატებით სამუშაო, მიიღოს დამატებითი შემოსავალი და სწრაფად დაძლიოს სიღარიბე, - ამის შესახებ საპარლამენტო უმრავლესობის ლიდერმა არჩილ თალაკვაძემ სოციალური დახმარების არსებული მოდელის შეფასებისას განაცხადა. მისი თქმით, არსებული მოდელით, ადამიანი, რომელიც სოციალურ შემწეობას იღებს, სამსახურის დაწყების მოტივაციას კარგავს, რადგან ეშინია აღნიშნული დახმარება არ შეუწყდეს.

„დღეს სიღარიბის ზღვარს ქვემოთ მყოფი ადამიანები იღებენ სოციალურ დახმარებას, ეს არის სტაბილური დახმარება თუმცა, როგორც კი ადამიანი დამატებითი შემოსავლის წყაროს მოძებნის, როგორც კი 2-3 თვიან ანაზღაურებად სამუშაოს იშოვის, ან შრომით მიგრაციას მიმართავს სეზონურად - მას ეს დახმარება უწყდება. ამის გამო ბევრი კარგავს მოტივაციას, ეძებოს სამუშაო და დამატებითი შემოსავალი, ბევრს ეშინია სცადოს მუშაობის დაწყება, რომ სოციალური დახმარება არ შეუწყდეს.

ჩვენი მიზანი კი რა არის? ადამიანი სწრაფად ამოვიდეს სიღარიბიდან, შექმნას საკუთარი ოჯახის ეკონომიკა და ჰქონდეს თავისი შემოსავალი. როდის უფრო სწრაფად შეძლებს ამას? როცა მხოლოდ დახმარებას იღებს თუ დახმარებასთან ერთად სამუშაოსაც რომ მოძებნის და ფეხს მოიკიდებს? უნდა ვიფიქროთ ამ მოდელის შეცვლაზე იმგვარად, რომ სოციალური დახმარების პარალელურად, ადამიანს ჰქონდეს შესაძლებლობა მოძებნოს დამატებით სამუშაო, მიიღოს დამატებითი შემოსავალი და სწრაფად დაძლიოს სიღარიბე,” - განაცხადა თალაკვაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს