გია ჟორჟოლიანი - არავინ ელოდება მარგველაშვილი როდის დაასახელებს თავის კანდიდატურას

საპარლამენტო უმრავლესობის წევრი გია ჟორჟოლიანი პრეზიდენტის განცხადებას ეხმიანება და განმარტავს, რომ მარგველაშვილის განცხადება, თითქოს „ქართული ოცნება“ მისი კანდიდატურის დასახელებას ელოდება, სიმართლეს არ შეესაბამება.

როგორ ჟორჟოლიანი ჟურნალისტებთან განმარტავს, „ქართული ოცნება“ უახლოეს ხანებში აპირებს კანდიდატი დაასახელოს.

„უმრავლესობის ფარგლებში ამ საკითხზე არავითარი მსჯელობა არ ყოფილა და არავინ ელოდება მარგველაშვილი როდის დაასახელებს თავის კანდიდატურას. რაც შეეხება „ქართულ ოცნებას“, არამგონია, ხელმძღვანელობა ამაზე მსჯელობდეს და ელოდებოდეს. რამდენადაც ვიცი, „ქართული ოცნება“ უახლოეს ხანებში აპირებს კანდიდატი დაასახელოს და მე მგონი, „ქართული ოცნების“ კანდიდატს აქვს უპირატესობა“,- განაცხადა გია ჟორჟოლიანმა.

კითხვაზე, ვიქნები თუ არა საპრეზიდენტო კანდიდატი, პასუხის არგაცემით სამსახურს ვუწევ პოლიტიკურ ელიტას, როგორც „ქართულ ოცნებას“, ასევე ოპოზიციას, – ამის შესახებ საქართველოს პრეზიდენტმა გიორგი მარგველაშვილმა გუშინ სამოქალაქო საზოგადოებასთან შეხვედრისას განაცხადა. მისი თქმით, იმ შემთხვევაში, თუკი ის კითხვაზე დადებით პასუხს გასცემს, „ქართული ოცნება“ უფრო ძლიერ კანდიდატს წარადგენს, ხოლო იმ შემთხვევაში, თუკი აღნიშნულ კითხვას უპასუხებს უარყოფითად, მაშინ „ქართული ოცნება“ სუსტ კანდიდატს დაასახელებს.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა