ირაკლი აბესაძე - კვირიკაშვილსა და ქუმსიშვილზე მძიმე პრობლემების გადაბრალების მცდელობა იყო, რაც ივანიშვილს არ გამოუვა

"ევროპული საქართველოს" წევრის, ირაკლი აბესაძის განცხადებით, ძალიან ცინიკური იყო ბიძინა ივანიშვილის განცხადება, თითქოს მან ახლა კვლევებით აღმოაჩინა, რომ ქვეყანაში სიღარიბე გაზრდილია, მოსახლეობას უჭირს და ამან თითქოს შეუძლოდაც გახადა.

როგორც ირაკლი აბესაძემ ბიძინა ივანიშვილის ინტერვიუს შეფასებისას განაცხადა, ეს ყველაფერი არის ის, რასაც მმართველი უმრავლესობა უარყოფს, ხოლო ოპოზიცია მუდმივად ამტკიცებდა.

"საზოგადოებისთვის თვალში ნაცრის შეყრაა ამ ყველაფრის გიორგი კვირიკაშვილისთვის დაბრალება და საკუთარის ვერდანახვა იმ ფონზე, როდესაც ამავე ინტერვიუდან გავიგეთ, რომ თავად არის მმართველი. ეს იყო პასუხისმგებლობისგან გაქცევის მცდელობა საზოგადოების თვალში, ეს იყო მცდელობა ამ ძალიან მძიმე პრობლემის, სიღარიბის გადაბრალების ორ ადამიანზე - კვირიკაშვილსა და ქუმსიშვილზე, რაც ივანიშვილს არ გამოუვა. ეს არის მორიგი ნათელი მაგალითი, რომ ამ ქვეყანაში ებრძვიან არა კორუფციას, არამედ ადამიანებს, რომლებიც ივანიშვილს უპირისპირდებიან. დარწმუნებული ვართ, რომ კვირიკაშვილის მთავრობაში კორუფციის სერიოზული პრობლემა იყო, თუმცა ამ ყველაფრის გამოძიება მხოლოდ მას შემდეგ დაიწყო, რაც ივანიშვილმა „განტევების ვაცი“ იპოვა კვირიკაშვილის და ქუმსიშვილის სახით. გამოძიება დაიწყო მხოლოდ მას შემდეგ და იმ პირების მიმართ, ვინც ბიძინა ივანიშვილმა მოიძულა", - აღნიშნა ირაკლი აბესაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს