ტყიბულში მეშახტეებმა საპროტესტო აქციების გამართვა შეწყვიტეს და კომპანია „საქნახშირთან“ მოლაპარაკების პროცესზე გადავიდნენ.

ისინი კომპანიისგან შახტის დირექტორად მათი კანდიდატის, ელდარ ჩაფიძის დანიშვნას ელოდებიან და შემდეგ მზად არიან, რომ როდესაც შესაძლებელი იქნება, შახტში სამუშაოდ დაბრუნდნენ.

როგორც ერთ-ერთმა მეშახტემ, ხვიჩა გაბუნიამ განაცხადა, მათი მოთხოვნა, რომ დაკავებული თანამდებობიდან „საქნახშირი ჯი-აი-ჯის“ გენერალური დირექტორი ჯამბულ ჯაყელი გათავისუფლდეს, მოიხსნა და მის გადადგომას აღარ ითხოვენ.