ეროვნულმა ბიბლიოთეკამ და მოძრაობა „ეკვილიბრიუმმა“ მორიგი მნიშვნელოვანი საქმე წამოიწყო: პროექტ #წიგნიერის ფარგლებში ახალქალაქის ყველა სოფლის სკოლაში ბიბლიოთეკა მოეწყობა.
როგორც „ინტერპრესნიუსს“ ეროვნული ბიბლიოთეკის პრესსამსახურიდან აცნობეს, ახალქალაქის ილია ჭავჭავძის სახელობის N3 საჯარო სკოლაში ეროვნული ბიბლიოთეკის გენერალურმა დირექტორმა გიორგი კეკელიძემ ლექცია წაიკითხა. „ეკვილიბრიუმმა“ კი სოფელ ოკამის სკოლისთვის ასამდე ახალი წიგნი ჩაიტანა.
„მადლობა ქალბატონ ლელა ჭინჭარაულს, რომელიც წმინდა ზოსიმე კუმურდოელის სახელობის სასწავლებელ–პანსიონატში ბრწყინვალე საქმეებს აკეთებს“, - განაცხადა გიორგი კეკელიძემ.