ავღანეთის აღმოსავლეთში, ფარვანის პროვინციაში თვითმკვლელი ტერორისტის თავდასხმის შედეგად ნატო-ს „მტკიცე მხარდაჭერის“ მისიის 3 წევრი დაიღუპა. ამის შესახებ მისიის ოფიციალურისაიტი იტყობინება.
„5 აგვისტოს ავღანეთის აღმოსავლეთში ადგილობრივ შეიარაღებულ ძალებთან ერთად პატრულირების დროს თვითმკვლელი ტერორისტის თავდასხმის შედეგად „მტკიცე მხარდაჭერის“ მისიის 3 სამხედრო მოსამსახურე დაიღუპა“, - ნათქვამია განცხადებაში.
აფეთქების შედეგად ასევე დაშავდა მისიის კიდევ ერთი ამერიკელი წევრი და ორი ავღანელი სამხედრო. დაღუპულთა მოქალაქეობის შესახებ ინფორმაცია არ ვრცელდება.