რელიგიის საკითხთა სახელმწიფო სააგენტო კათოლიკურ ეკლესიას და მის მრევლს ფერისცვალების დღესასწაულს ულოცავს. ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.

„დღეს, კათოლიკური სამყარო ფერისცვალებას აღნიშნავს. ახალი აღთქმის მიხედვით, იესო ქრისტე თავის სამ მოწაფესთან - პეტრესთან, იაკობთან და იოანესთან ერთად ერთად თაბორის მთაზე ავიდა სალოცავად.

მაცხოვრის ლოცვისას დაღლილ მოწაფეებს ჩაეძინათ. გაღვიძებისას კი ნახეს, რომ იესო ქრისტემ ფერი იცვალა. ამ დროს მაცხოვრის გვერდით ზეციური დიდებით შემოსილი მოსე და ელია წინასწარმეტყველი იდგნენ, რომლებიც იესოს მომავალი ვნებების შესახებ საუბრობდნენ.

რელიგიის საკითხთა სახელმწიფო სააგენტო ულოცავს კათოლიკურ ეკლესიასა და მის მრევლს დღესასწაულს, სიკეთესა და კეთილდღეობას უსურვებს მათ“, -ნათქვამია სააგენტოს მილოცვაში.