სახელმწიფო უსაფრთხოების სამსახურის მიერ პანკისელი მალხაზ ტოხოსაშვილის დაკავებას ოჯახის წევრები გამოეხმაურნენ. დაკავებულის რძალს არ სჯერა, რომ ISIS-ის ქართული დაჯგუფების მუქარის შემცველი ვიდეოს გავრცელებაში ტოხოსაშვილს რამე კავშირი ჰქონდეს.
"ჩვენთვის წარმოუდგენელია მალხაზის რამე კავშირი ამ ვიდეოს გავრცელებასთან. ვფიქრობთ, რაღაც შეცდომაა და ვიმედოვნებთ, ყველაფერი გაირკვევა", - განაცხადა ფატი ტოხოსაშვილმა.
თემაზე კომენტარი გააკეთა მალხაზ მაჩალიკაშვილმაც. ის არ გამორიცხავს, რომ ვიდეომასალა სუსის მიერ არის გამოქვეყნებული და გერმანიაში მის ვიზიტს უკავშირდება. მაჩალიკაშვილი ასევ მიიჩნევს, რომ მუქარის შემცველი ვიდეოს გავრცელება არასწორია და სიმართლის დადგენა კანონის ფარგლებშიც შეიძლება.
მუქარის შემცველი ვიდეო დღეს გავრცელდა, სადაც ISIS-ის ქართული დაჯგუფება საქართველოს ხელისუფლებას შურისძიებით ემუქრება.