2008 წლის აგვისტოს ომიდან ათი წლისთავზე საქართველოს პრეზიდენტი გორში, ღვთისმშობლის მიძინების საკათედრო ტაძარში წირვას დაესწრო.
როგორც „ინტერპრესნიუსს“ პრეზიდენტის ადმინისტრაციიდან აცნობეს, წირვა ომში დაღუპულების ხსოვნის პატივსაცემად გორის საკათედრო ტაძარში მეუფე ანდრიასთან ერთად ექვსმა მიტროპოლიტმა აღავლინა.
აღსანიშნავია, რომ წირვის დასრულების შემდეგ გორისა და ატენის მიტროპოლიტმა პრეზიდენტს საჩუქრად ხატი გადასცა.
დღესვე გიორგი მარგველაშვილმა გორში, ომში დაღუპულთა მემორიალი გვირგვინით შეამკო და გარდაცვლილების ხსოვნას პატივი მიაგო.