„ენერგო-პრო ჯორჯიას“ აბონენტების ნაწილს, დღეს, გეგმური სარეაბილიტაციო სამუშაოების გამო ელექტროენერგიის მიწოდება შეეზღუდება. როგორც „ინტერპრესნიუსს“ „ენერგო-პრო ჯორჯიადან“ აცნობეს, ქსელის გეგმური სარეაბილიტაციო სამუშაოების გამო, 23 აგვისტოს, 12:00 საათიდან 18:00 საათამდე, ელექტროენერგიის მიწოდება შეეზღუდება 1584 აბონენტს დუშეთის რაიონის სოფლებში: მჭადიჯვარი, ქვიტკირი, შუახევი, ჩირდილელიანი და მიმდებარე სოფლებში; 10:00 საათიდან 18:00 საათამდე 760 აბონენტს – მცხეთის რაიონის სოფლებში: ნაფეტვრები, მუხათწყარო, აგარაკი, თხინვალა და მიმდებარე სოფლებში; 10:30 საათიდან 13:00 საათამდე – 1512 აბონენტს თიანეთის რაიონის სოფელებში: ტუშურები, ზარიძეები, საკრეჭიო, თოლენჯი და მიმდებარე სოფლებში.

სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.