მარიამობის დღესასწაულთან დაკავშირებით, ყველა პენიტენციური დაწესებულება დღეიდან მსჯავდებულებისთვის ამანათების მიღებას უზრუნველყოფს

მარიამობის დღესასწაულთან დაკავშირებით, ყველა პენიტენციური დაწესებულება დღეიდან, 27 აგვისტოდან ბრალდებულების/მსჯავდებულებისთვის ამანათების მიღებას უზრუნველყოფს.

როგორც სპეციალური პენიტენციური სამსახურის მიერ გავრცელებულ ინფორმაციაშია ნათქვამი, ამანათების მიღება 27 აგვისტოს, 10:00 საათიდან 19:00 საათამდე, ასევე 28 აგვისტოს, 10:00 საათიდან 13:00 საათამდე იქნება შესაძლებელი.

„სპეციალურ პენიტენციური სამსახური ამანათების მიღების პროცესის შეუფერხებლად წარმართვას უზრუნველყოფს“, - ნათქვამია ინფორმაციაში.