შავი ზღვის საერთაშორისო უნივერსიტეტის სტუდენტები პრემიერ-მინისტრთან შეხვედრას ითხოვენ

შავი ზღვის საერთაშორისო უნივერსიტეტის სტუდენტები საქართველოს პრემიერ-მინისტრთან შეხვედრას ითხოვენ. ამ მიზნით მათ დღეს მთავრობის ადმინისტრაციაში განცხადება შეიტანეს.

განცხადების შეტანამდე სტუდენტებმა მთავრობის ადმინისტრაციის შენობის წინ აქცია-პერფორმანსი გამართეს, რომელიც ცარიელი აუდიტორიის იმიტაცია იყო. ამ მიზნით სტუდენტებმა მთავრობის ადმინისტრაციის წინ მერხები, სკამები და დაფაც მიიტანეს.

"ცარიელი აუდიტორიები ჩვენი უნივერსიტეტის დღის წესრიგში 10 სექტემბერს დადგება, თუ ჩვენ პირველკურსელები ვერ მივიღეთ. სტუდენტებმა პრემიერის სახელზე განცხადება შეიტანეს, რომელშიც ისინი პრემიერს ამ საკითხში უფრო აქტიურ ჩართულობას სთხოვენ. ჩვენ იმედი გვაქვს, რომ პრემიერის შემდეგი ნაბიჯი ამ საკითხის დასმა და სტუდენტებთან შეხვედრა იქნება", - განაცხადა ჟურნალისტებთან საუბრისას შავი ზღვის საერთაშორისო უნივერსიტეტის საზოგადოებასთან ურთიერთობის სამსახურის ხელმძღვანელმა სალომე სუხიშვილმა.

მისივე თქმით, განათლების მინისტრთან შეხვედრამ შედეგი ვერ გამოიღო.

სტუდენტები უნივერსიტეტის ირგვლივ განვითარებულ მოვლენებს 21 აგვისტოს შემდეგ აპროტესტებენ.

შავი ზღვის საერთაშორისო უნივერსიტეტის ადმინისტრაციამ ფინანსთა სამინისტროს საგამოძიებო სამსახურის მიერ დაკისრებული თანხა - 712 000 ლარის ოდენობით რამდენიმე დღის წინ დაფარა.

როგორც ცნობილია, ავტორიზაციის საბჭომ შავი ზღვის საერთაშორისო უნივერსიტეტს სტუდენტების მიღება ერთი წლით, სწორედ ფინანსური დავალიანების გამო შეუზღუდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს