სატყეო სააგენტოს უფროსი - ხაშურის ტყეში, ხანძრის ტერიტორიაზე იშვიათი სახეობის ხეები არ გვხვდება

ეროვნული სატყეო სააგენტოს უფროსის, თორნიკე გვაზავას ინფორმაციით, ხაშურში, სოფელ ცედანის მიმდებარე ტერიტორიაზე გაჩენილი ტყის ხანძრის ჩაქრობით სამუშაოებში,მეხანძრე-მაშველების გარდა სატყეო სააგენტოს 80-მდე თანამშრომელიც მონაწილეობს.

მისივე ვარაუდით, ხანძრის ლოკალიზება სავარაუდოდ, დღეს საღამოს მოხდება.

„ხანძარი ალაგ-ალაგ ლოკაციებზეა გაჩენილი. ყველანაირად ვებრძვით, ლოკალიზაციისკენ ჯერ ვერ მივდივართ, მაგრამ საღამოსკენ ვფიქრობთ, მოვახერხებთ“, - აღნიშნა თორნიკე გვაზავამ.

მისივე ინფორმაციით, ტყეში, სადაც ხანძარი გაჩნდა, ძირითადად, წიფლის ჯიშის ხე-მცენარეებია გავრცელებული და იშვიათი სახეობის ხეები არ გვხვდება.

„ხეებს რაც შეეხება, ძირითადად, ძირნაყარი და ნარჩენი იყო და მაგას უკიდია ცეცხლი. ცეცხლის დიდი კერები არ არის, დაკვამლიანებაა. რაც შეეხება გამწვავების საფრთხეს, ეს ქარზეა დამოკიდებული, ამას ვერ ვიწინასწარმეტყველებ, უფრო ნათელი სურათი საღამოს გახდება ცნობილი. ძალიან რთული რელიეფია და სადამდეც ტექნიკა გაწვდება, იქამდე მიდის და შემდეგ ცოცხალი ძალა მუშაობს“, - აღნიშნა ეროვნული სატყეო სააგენტოს უფროსმა.

თორნიკე გვაზავას ვარაუდით, ხანძარი შესაძლოა, როგორც ნადირობის სეზონის, ისე ადამიანის დაუდევრობის გამო გაჩნდა, თუმცა მისივე თქმით, რეალურ მიზეზს გამოძიება დაადგენს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს