ხაშურში ტყის ხანძრის ლოკალიზაციის სამუშაოებში ვერტმფრენი ერთვება
ხაშურის მუნიციპალიტეტის სოფელ ცედანში ხანძრის ლოკალიზაციის სამუშაოებში ვერტმფრენი ჩაერთვება. ამის შესახებ ჟურნალისტებს საგანგებო სიტუაციების მართვის სამსახურის უფროსის მოვალეობის შემსრულებელმა შალვა ხუციშვილმა განუცხადა.
შალვა ხუციშვილი სტიქიის ადგილზე იმყოფება და სიტუაციას პირადად ეცნობა. მისი თქმით, ამ ეტაპზე ხანძრის ორი კერა რჩება.
"კარგად იმუშავა წუხელ ადგილობრივმა თვითმმართველობამ და სატყეო სააგენტომ. შესაბამისი ტექნიკის მობილიზება მოხდა და გარკვეული დაზღვევის ზონები შექმნა, რათა ცეცხლი არ გავრცელებულიყო და მინდა დაგამშვიდოთ, რომ ცეცხლის გავრცელების საშიშროება არ არსებობს, თუმცა იმისთვის, რომ ბევრად ეფექტურად და სწრაფად მოხდეს ხანძრის ლიკვიდაცია, ჩვენ მივიღეთ გადაწყვეტილება, შსს -სთან კონსულტაციის შემდეგ, რომ მათი ვერტმფრენი ჩაერთვება პროცესში. ვერტმფრენი უკვე გზაშია.
არის 2 კერა. ერთგან დალაგებულია ლოკალური ქსელი, რომელიც მეხანძრეებმა ერთ- ერთი მდინარიდან მიიყვანეს. მეორე ადგილი უფრო მიუვალია და იმისთვის, რომ მეხანძრეებსაც გავუფრთხილდეთ, მივიღეთ გადაწყვეტილება, რომ ჩაერთოს ვერტმფრენი და მოხდეს ლიკვიდაცია.
მორიგე ჯგუფები დარჩებიან მაინც და დიდი იმედი მაქვს, რომ დღეს საღამოს და ხვალ დილისთვის გვექნება კარგი სიტუაცია," - განაცხადა შალვა ხუციშვილმა.
ადგილზე რჩება 220 მეხანძრე-მაშველი.
v-if="article.gallery" v-html="article.gallery"
