ხაშურში ტყის ხანძრის ლოკალიზების პროცესში ვერტმფრენი ჩაერთო
ხაშურის მუნიციპალიტეტის სოფელ ცედანში, ტყის ხანძრის ლოკალიზების სამუშაოებში ვერტმფრენი ჩაერთო. შსს-ს ვერტმფრენი სტიქიის პერიმეტრზე პირველ გადაფრენას ამ წუთებში ახორციელებს.
„ამ დროისთვის 220 მეხანძრე-მაშველი მუშაობს ხანძრის ლოკალიზებაზე. გუშინ საღამოდან მიმდინარე ინტენსიური სალიკვიდაციო სამუშაოების შედეგად, ცეცხლის კერების რაოდენობა შემცირდა, თუმცა, კვლავ რჩება რამდენიმე აქტიური კერა, სადაც ცეცხლის ლოკალიზებას ქარი აფერხებს, თუმცა, ამ წუთებში ვერტმფრენი ერთვება ხანძრის სალიკვიდაციო ღონისძიებებში და ვფიქრობ, სტიქიასთან ბრძოლა უფრო ეფექტურ შედეგს მოგვცემს“, - განაცხადა შიდა ქართლის გუბერნატორმა გიორგი ხოჯევანიშვილმა.
ხაშურის მუნიციპალიტეტის სოფელ ცედანში ხანძრის ლოკალიზაციის სამუშაოებისთვის საგანგებო სიტუაციების მართვის სამსახურმა ცოტა ხნის წინ დამატებითი სახანძრო-სამაშველო ტექნიკის მობილიზება მოახდინა.
v-if="article.gallery" v-html="article.gallery"
