გუბერნატორი - ხანძართან დაკავშირებით ვითარება სტაბილურია, თუმცა შესაბამისი ძალები მთელი ღამის განმავლობაში სრული შემადგენლობით იქნებიან მობილიზებული

ვითარება ამჟამად სტაბილურია, თუმცა შესაბამისი ძალები მთელი ღამის განმავლობაში სრული შემადგენლობით იქნებიან მობილიზებული, - ამის შესახებ შიდა ქართლის გუბერნატორმა გიორგი ხოჯევანიშვილმა ხაშურის მინიციპალიტეტის სოფელ ცედანის მიმდებარე ტერიტორიაზე გაჩენილი ხანძრის საკითხზე ჟურნალისტებთან საუბრისას განაცხადა.

გუბერნატორი იმედოვნებს, რომ ცეცხლის ქრობის პროცესში ხვალ გარდამტეხი დღე იქნება.

„ვითარება ამჟამად სტაბილურია და კონტროლს ექვემდებარება. თუ როგორ განვითარდება პროცესები, ყველაფერი დამოკიდებულია ბუნებრივ პირობებზე. რელიეფი საკმაოდ რთულია და ცეცხლის კერები რთულად მისადგომ ადგილზეა, მაგრამ ამ დროისთვის კერები შეიძლება ითქვას ლოკალიზებულია და შემოფარფლულია თხრილებით. გავრცელების საფრთხე არ ივარაუდება.

საგანგებო შტაბის გადაწყვეტილებით, ცეცხლის ქრობის პროცესში ჩაერთო ვერტმფრენი, რათა თავიდან იქნას აცილებული შემდგომი გართულებები.

ღამის განმავლობაში სრული შემადგენლობით რჩებიან ძალები. შსს-მ ჩართო დამატებით ცოცხალი ძალა. ასევე ადგილზე რჩება სამაშველო და სახანძრო ჯგუფები. ერთობლივი მუშაობით იმედი გვაქვს, რომ ხვალ გარდამტეხი დღე იქნება“, - განაცხადა ხოჯევანიშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს