საქართველოს პრემიერ-მინისტრი, მამუკა ბახტაძე ბორჯომი-ხარაგაულის ნაკრძალის უფროსის მოვალეობის შემსრულებელის, ივანე კუპრაძის დაღუპვის გამო მის ოჯახსა და ახლობლებს სამძიმარს უცხადებს.
„სამწუხაროდ, სამძიმრით უნდა დავიწყო, - განაცხადა მამუკა ბახტაძემ, - გუშინ ბორჯომი-ხარაგაულის ეროვნულ პარკში ხანძრის ჩაქრობისას დაიღუპა ჩვენი მოქალაქე, ივანე კუპრაძე, ბორჯომი-ხარაგაულის ნაკრძალის უფროსის მოვალეობის შემსრულებელი. ის იყო გამორჩეული და თავდადებული რეინჯერი, რომელიც საკუთარი სიცოცხლის რისკის ფასად ბრაკონიერებისგან იცავდა ბორჯომის ამ უნიკალურ ნაკრძალს. უდიდეს მწუხარებას გამოვთქვამ და ვუსამძიმრებ ივანე კუპრაძის ოჯახს, მის ახლობლებს, მეგობრებსა და კოლეგებს,“ - განაცხადა საქართველოს პრემიერმა მტავრობის სხდომის დაწყებამდე გამართულ ბრიფინგზე.