ადვოკატი - ირაკლი ნადირაძის საქმეზე გამამართლებელ განაჩენს ველოდებით

ირაკლი ნადირაძის საქმეზე ველოდებით გამამართლებელ განაჩენს, - ამის შესახებ საკრებულოს დეპუტატის ირაკლი ნადირაძის ადვოკატმა გიორგი ჟამუტაშვილმა განაცხადა. ადვოკატის თქმით, სასამართლოს გადასცემენ მათ ხელთ არსებულ ყველა დოკუმენტაციას და ვიდეომასალას, რაც ირაკლი ნადირაძის უდანაშაულობას ადასტურებს.

„ირაკლი ნადირაძეს ედავებიან სამართალდარღვევათა კოდექსის 173-ე მუხლს, რაც ნიშნავს პოლიციელებისადმი დაუმორჩილებლობას, თითქოს ირაკლი ნადირაძე ხელს უშლიდა გარკვეული პირის დაკავებას, რასაც ადგილი არ ჰქონია. ჩვენ გვაქვს წარმოდგენილი ვიდეო მტკიცებულებები, სადაც ნაჩვენებია, რომ ირაკლი ნადირაძეს არც წინააღმდეგობა გაუწევია პოლიციელებისთვის და არც ვინმეს დაკავებაში შეუშლია ხელი. შესაბამისად გვგონია, რომ მოსამართლე გამამართლებელ განაჩენს მიიღებს და შეწყდება ადმინისტრაციული სამართალდარღვევის საქმის წარმოება“, - განაცხადა გიორგი ჟამუტაშვილმა.

შეგახსენებთ, რომ 11 ივნისს, ქაშვეთის ეკლესიასთან „ნაციონალური მოძრაობის“ რამდენიმე წევრი და აქციის მონაწილე რამდენიმე პირი დააკავეს. დაკავებულებიდან საკრებულოს „ნაციონალური მოძრაობის“ დეპუტატი ირაკლი ნადირაძე ხელწერილით გაუშვეს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა