"საერთაშორისო გამჭვირვალობა-საქართველოს" წევრი - „საზოგადოებრივ მაუწყებელში" რეორგანიზაციის პროცესი ღია და გამჭვირვალე უნდა იყოს

"საზოგადოებრივ მაუწყებელში" რეორგანიზაციის პროცესი უნდა იყოს ღია და გამჭვირვალე, - ამის შესახებ "საერთაშორისო გამჭვირვალობა-საქართველოს" წევრმა მამუკა ანდღულაძემ "საზოგადოებრივი მაუწყებლის" თანამშრომლებთან და პროფკავშირების წარმომადგენლებთან შეხვედრის დასრულების შემდეგ განაცხადა.

"არაერთხელ აღინიშნა, რომ რეორგანიზაცია უნდა ჩატარდეს, თუმცა, ეს უნდა იყოს ღია და გამჭვირვალე პროცესი. წინასწარ უნდა იყოს გაწერილი კრიტერიუმები თუ რის საფუძველზე მოხდება ცალკეული თანამშრომლების შეფასება", - განაცხადა მამუკა ანდღულაძემ.

ამასთან, როგორც მაუწყებლის პროფკავშირების თავმჯდომარემ ნინო ზაუტაშვილმა განაცხადა, მიმდინარე ოპტიმიზაციის პროცესი შესაძლოა შეეხოს უფრო მეტ ადამიანს. ზაუტაშვილის თქმით, სამეურვეო საბჭოსა და პარლამენტის მიმართ მოთხოვნა იქნება, რომ შემუშავდეს შრომის პოლიტიკა.

"ჩვენ აუცილებლად დავიცავთ სუბორდინაციას, რომ იმ ადამიანებმა და იმ უწყებებმა შეძლონ ჩვენთვის პასუხის გაცემა, რომლებსაც ევალებათ "საზოგადოებრივ მაუწყებელზე" მონიტორინგი, ესაა სამეურვეო საბჭო. შემდეგ პარლამენტში გადავინაცვლებთ. თავისთავად ცხადია საზოგადოებასთან აქტიური მუშაობა იქნება.

მოთხოვნა იქნება შრომის პოლიტიკის შემუშავება. შრომის პოლიტიკის გარეშე ადამიანების სამსახურიდან გათავისუფლება სამართლებრივადაც არასწორია და ამორალური საქციელია. სამეურვეო საბჭოს მონიტორინგის ვალდებულება აქვს", - განაცხადა ზაუტაშვილმა.

შეგახსენებთ, რომ საზოგადოებრივი მაუწყებლის მენეჯმენტი რამდენიმე ათეულ თანამშრომელს ანაზღაურების ახალ - საათობრივ პირობებს სთავაზობს. ხელშეკრულებებში აღნიშნული ცვლილებების თაობაზე მათ შეტყობინება 30 აგვისტოს მიიღეს. არხის თანამშრომლების ეს ნაწილი ეჭვობს, რომ მენეჯმენტს მათი გათავისუფლება აქვს გადაწყვეტილი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს