ვლადიმერ ვაისი - ბიჭები მზად არიან ხვალინდელ თამაშზე გულშემატკივრებს ხარისხიანი ფეხბურთი აჩვენონ და გაახარონ

საქართველოს ეროვნული ნაკრების მწვრთვნელის ვლადიმერ ვაისის შეფასებით, ნაკრები ხვალინდელ შეხვედრას სრულ მზადყოფნაში ხვდება. ვაისმა და ნაკრების წევრმა გიორგი მერებაშვილმა მატჩისწინა პრესკონფერენცია გამართეს და ერთა ლიგაზე ლატვიასთან მოახლოებულ დაპირისპირებაზე ისაუბრეს.

ვლადიმერ ვაისის თქმით, გუნდში კარგი განწყობაა და მას სჯერა საკუთარი გუნდის.

"9 სექტემბერს მეორე ნაბიჯი გველოდება, რათა წარმატებას მივაღწიოთ ერთა ლიგაზე. ყაზახეთიდან სამი ქულის წამოღება ძალიან მნიშვნელოვანია, მაგრამ ასევე აუცილებელია ხვალ გამარჯვება, რათა დადებით რეზულტატს და ჯგუფში კარგ პოზიციას მივაღწიოთ. ყველა მოთამაშე სრული დატვირთვით ემზადება. დღევანდელი ვარჯიშის შემდეგ მივიღებთ გადაწყვეტილებას ხვალინდელ თამაშზე თუ რა შემადგენლობას დავაყენებთ. ბიჭები მზად არიან გულშემატკივრებს ხარისხიანი ფეხბურთი აჩვენონ და გაახარონ", - განაცხადა ნაკრების მთავარმა მწვრთვნელმა.

რაც შეეხება ლატვიის ნაკრებს, ვლადიმერ ვაისის შეფასებით, მეტოქე დაცვაში ორგანიზებულად თამაშობს.

"რაც შეეხება მეტოქეს - ლატვიის ნაკრებს, რომელმაც პირველი შეხვედრა ფრედ დაასრულა, შეიძლება ითქვას, რომ დაცვაში ორგანიზებულად თამაშობს და ამიტომ ყაზახეთისგან განსხვავებით, სხვანაირად მოგვიწევს თამაში, სხვანაირი პრესინგის მიმართვა და ა.შ.", - განაცხადა ვლადიმერ ვაისმა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა