კომპანია „არემჯის“ სტუდენტური მხარდაჭერის პროგრამის ფარგლებში, ბოლნისის რაიონში 15-მა სტუდენტმა ერთთვიანი პრაქტიკა გაიარა

კომპანია „არემჯის“ სტუდენტური მხარდაჭერის პროგრამის ფარგლებში, ბოლნისის რაიონში 15-მა სტუდენტმა ერთთვიანი პრაქტიკა გაიარა.

როგორც „ინტერპრესნიუსს“ კომპანია „არემჯიდან“ აცნობეს, 7 აგვისტოდან 7 სექტემბრის ჩათვლით, საქართველოს ტექნიკური უნივერსიტეტის სამთო-გეოლოგიური ფაკულტეტის 15-მა სტუდენტმა „არემჯის“ კუთვნილ საწარმოებში ერთთვიანი ანაზღაურებადი პრაქტიკა გაიარა.

„პრაქტიკულ სამუშაოებში ჩართული სტუდენტების უმრავლესობა დმანისის და ბოლნისის რაიონის მცხოვრებლები არიან. სტუდენტების განაწილება სამუშაო უბნებზე მათ მიერ უნივერსიტეტში წინასწარ შერჩეული პროგრამების გათვალისწინებით მოხდა. მომავალი სამთოელები და გეოლოგები სამ ძირითად ლოკაციაზე იყვნენ გადანაწილებული. პრაქტიკული სწავლება კარიერზე სამთო მოპოვების უბანზე, გეოლოგიურ ბაზასა და სპილენძის გამამდიდრებელ ფაბრიკაში მიმდინარეობდა. სტუდენტები ასევე გაეცნენ სამთო ტექნოლოგიის სრულ ციკლს და შრომის უსაფრთხოების წესებს“, – აცხადებენ კომპანიაში.

მათივე ინფორმაციით, პრაქტიკის დასასრულს, საინფორმაციო ტურის ფარგლებში სტუდენტებმა ერთმანეთს პრაქტიკის შედეგად მიღებული ცოდნა გაუზიარეს. ასევე ერთობლივად მოინახულეს ყველა ის უბანი, სადაც თითოეულმა მათგანმა 5 კვირიანი სამუშაო გამოცდილება მიიღო.

სტუდენტებს სტაჟირების დამადასტურებელ სერტიფიკატები "არემჯის" აღმასრულებელმა დირექტორმა ჯონი შუბითიძემ გადასცა.

გასულ წელს საქართველოს ტექნიკურ უნივერსიტეტსა და „არემჯის“ შორის გაფორმებული მემორანდუმი, წარმატებული სტუდენტების საწარმოო პრაქტიკებში მონაწილეობას და მათთვის „არემჯის“ სტიპენდიის დაწესებას ითვალისწინებს.

„ახალგაზრდა პრაქტიკანტების სახით ჩვენ შევიძინეთ ძალიან მნიშვნელოვანი ინტელექტუალური რესურსი. უმაღლესი სასწავლებლის დასრულების შემდეგ სტუდენტების ნაწილი აუცილებლად დაბრუნდება ჩვენთან, როგორც მაღალი კვალიფიკაციის მქონე პროფესიონალები და დასაქმდებიან შესაბამის პოზიციებზე. პრაქტიკის პროგრამის დასრულების შემდგომი ეტაპი არის „არემჯის“ სტიპენდიის პროგრამა. წლის ბოლოს ტექნიკურ უნივერსიტეტში გაიმართება ღია კონკურსი, რომელზეც წარმატებულ სტუდენტებს შორის არემჯის სტიპენდიანტები გამოვლინდებიან“, - განაცხადა „არემჯის“ ადამიანური რესურსების განვითარების დეპარტამენტის უფროსმა ირაკლი შატაკიშვილმა.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა