მოხარული ვარ, რომ საბაჟო სფეროში ახალი ევროპული სტანდარტები შემოდის, - ამის შესახებ ჟურნალისტებს საპარლამენტო უმრავლესობის წევრმა ნინო წილოსანმა განუცხადა.

დღეს იმპორტიორებისა და ბიზნესის წარმომადგენლებისთვის ახალი საბაჟო კოდექსის პრეზენტაცია ჩატარდა.

„საუკეთესო ევროპული გამოცდილების გათვალისწინებით შექმნილი თანამედროვე საბაჟო კანონმდებლობით, გამართული, უახლესი ტექნოლოგიებით აღჭურვილი საბაჟო ინფრასტრუქტურითა და ხარისხიანი სერვისებით საქართველო რეგიონში პირველი ქვეყანა იქნება.

ეს ყველაფერი კი ხელს შეუწყობს არა მხოლოდ ტვირთბრუნვის, არამედ ქვეყანაში ტურისტული ნაკადის გაზრდას“, - განაცხადა წილოსანმა.