2001 წლის 11 სექტემბრის ტერაქტმა გააერთიანა მსოფლიო იმ უდიდესი ბოროტების წინააღმდეგ, რომელსაც ტერორიზმი ჰქვია, - ასე ეხმაურება საქართველოს პრემიერ-მინისტრი მამუკა ბახტაძე ამერიკის შეერთებული შტატებში 17 წლის წინ მომხდარ ტერაქტს, რომლის დროსაც ე.წ. ტყუპები დაინგრა.

„ამერიკის შეერთებული შტატებისა და მსოფლიოს უახლეს ისტორიაში ერთ-ერთი ყველაზე ტრაგიკული დღიდან 17 წელი გავიდა. 2001 წლის 11 სექტემბრის ტერაქტმა გააერთიანა მსოფლიო იმ უდიდესი ბოროტების წინააღმდეგ, რომელსაც ტერორიზმი ჰქვია.

მინდა გამოვთქვა უდიდესი გულისტკივილი ამერიკელი ხალხისა და დაღუპულთა ოჯახის წევრების მიმართ“, - აღნიშნულია ბახტაძის განცხადებაში.