დავით ზალკალიანი ანდრეა ტომფსონს შეხვდა

საქართველოს საგარეო საქმეთა მინისტრმა დავით ზალკალიანმა ამერიკის შეერთებული შტატების სახელმწიფო მდივნის მოადგილესთან შეიარაღების კონტროლისა და საერთაშორისო უსაფრთხოების საკითხებში ანდრეა ტომფსონთან შეხვედრა გამართა.

როგორც „ინტერპრესნიუსს“ საქართველოს საგარეო საქმეთა სამინისტროდან აცნობეს, შეხვედრაზე მხარეებმა ისაუბრეს გლობალური და რეგიონალური უსაფრთხოების გარემოზე. არსებული გამოწვევების ფონზე, ხაზი გაესვა საქართველოს სტრატეგიულ პარტნიორთან - ამერიკის შეერთებულ შტატებთან - თავდაცვის და უსაფრთხოების სფეროში თანამშრომლობის გაღრმავების მნიშვნელობას. ასევე, მხარეებმა იმსჯელეს საქართველოს თავდაცვის შესაძლებლობების გაძლიერების თვალსაზრისით დაგეგმილ ერთობლივ ნაბიჯებზე.

მათივე ინფორმაციით, შეხვედრაზე ასევე აღინიშნა საქართველოს მნიშვნელოვანი წვლილი საერთაშორისო სამშვიდობო მისიებში.

დავით ზალკალიანმა ანდრეა ტომფსონს გააცნო ოკუპირებულ ტერიტორიებზე არსებული ვითარება, კერძოდ ადამიანის უფლებების დაცვის კუთხით შექმნილი მძიმე მდგომარეობა. ასევე ყურადღება გაამახვილა საქართველოს მთავრობის სამშვიდობო ინიციატივაზე -„ნაბიჯი უკეთესი მომავლისკენ“. მინისტრმა საქართველოს სამშვიდობო პოლიტიკის ეფექტიანი განხორციელების პროცესში ხაზი გაუსვა საერთაშორისო თანამეგობრობის მხარდაჭერისა და სოლიდარობის მნიშვნელობას.

ანდრეა ტომფსონმა, აშშ-ს მთავრობის სახელით, კიდევ ერთხელ დააფიქსირა საქართველოს სუვერენიტეტის, ტერიტორიული მთლიანობისა და ქვეყნის ევრო-ატლანტიკური ინტეგრაციის მიმართ მტკიცე მხარდაჭერა.

შეხვედრა 2018 წლის 11-12 სექტემბერს მაკკეინის ინსტიტუტისა და ეკონომიკური პოლიტიკის კვლევის ცენტრის მიერ ორგანიზებული თბილისის საერთაშორისო კონფერენციის - „მსოფლიო თავდაყირა 2018“, ფარგლებში გაიმართა.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა