ბარნოვზე 25 წლის თამარ გამრეკელაშვილის მკვლელობის საქმეზე ბრალდების მხარის სამი მოწმე დაიკითხა

ბარნოვის ქუჩაზე 25 წლის თამარ გამრეკელაშვილის მკვლელობის საქმეზე ბრალდების მხარის სამი მოწმე დაიკითხა. საქმის პროკურორის გიორგი შაიშმელაშვილის ინფორმაციით, სასამართლოს ჩვენება იმ პირებმა მისცეს, რომლებიც დანაშაულის ჩადენის შემდეგ სახლში პირველები შევიდნენ. პროკურორის თქმით, მოწმეებმა ისაუბრეს იმ დეტალებზე, რაც მათ დანაშაულის ადგილზე დახვდათ.

"დღევანდელ სასამართლო სხდომაზე სამი მოწმე დაიკითხა. აღნიშნული მოწმეები იყვნენ ის პირები, რომლებიც პირველები შევიდნენ დანაშაულის ჩადენის შემდეგ სახლში და რომლებმაც დაინახეს, თუ როგორ გადახტა სისხლიანი ბრალდებული ფანჯრიდან და შემთხვევის ადგილიდან მიიმალა", - განაცხადა პროკურორმა.

რაც შეეხება ბრალდებულის პოზიციას, რომ მკვლელობა თამარ გამრეკელაშვილის შვილების თვალწინ არ ჩაუდენია, გიორგი შაიშმელაშვილი განმარტავს, რომ სახელმწიფო ბრალდება განსაკუთრებული სისასტიკით მკვლელობის ჩადენის ფაქტს სხვადასხვა მტკიცებულებებით დაადასტურებს. "თავად ვეფხია ბაქრაძე საუბრობს, რომ ბავშვების თვალწინ არ მომხდარა მკვლელობა, თუმცა საქმის გარემოებები სრულიად სხვა ვითარებაზე მიუთითებენ. ჩვენ დავკითხავთ არასრულელოვან მოწმესაც, გამოვიკვლევთ კიდევ დამატებით გარემოებებს, რის მიხედვითაც ნამდვილად დადასტურდება, რომ ბრალდებულმა მცირეწლოვანი შვილების თვალწინ მოკლა დედა", - აღნიშნა გიორგი შაიშმელაშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს