სატვირთო ავტომობილების მძღოლთა ნაწილი დღეს ფინანსთა სამინისტროსთან მივა და მინისტრთან შეხვედრას მოითხოვს
სატვირთო ავტომობილების მძღოლები, რომლებიც შემოსავლების სამსახურის ეკონომიკურ ზონასთან უკვე რამდენიმე დღეა აქციას მართავენ, დღეს ფინანსთა სამინისტროსთან მივლენ და მინისტრთან შეხვედრას მოითხოვენ.
როგორც მძღოლები აცხადებენ, მზად არიან აქციების პარალელურად 1-ელ ოქტომბრამდე მოლაპარაკებები აწარმოონ ფინანსთა მინისტრთან და ამის შემდეგ მიიღებენ კონკრეტულ გადაწყვეტილებას მომავალ ქმედებებთან დაკავშირებით. აქციის მონაწილეთა ნაწილი ასევე მოითხოვს, რომ ფინანსთა მინისტრის ბრძანება, ხორბლის იმპორტთან დაკავშირებით, უვადოდ გადაიდოს და მათ მუშაობის საშუალება ჩვეულ რეჟიმში მიეცეთ ისე, რომ არ მოხდეს საბაჟოზე დამატებითი გადასახადების დაწესება.
იმ შემთხვევაში, თუ შეთანხმება არ შედგება, აქციის მონაწილეთა ნაწილი პერმანენტულ აქციებს აანონსებს, ასევე, გადაკეტავს შემოსავლების სამსახურის ეკონომიკურ ზონას.
