აქციის მონაწილე სატვირთო ავტომანქანის მძღოლი თავის დაწვით იმუქრება
გაფორმების ეკონომიკურ ზონასთან სატვირთო ავტომობილის ერთ-ერთი მძღოლი შენობის სახურავზეა ასული და ფინანსთა მინისტრთან შეხვედარას ითხოვს.
მას სახურავზე ბოთლით საწვავი აქვს ატანილი, ასევე არსებული ინფორმაციით, მიყენებული აქვს თვითდაზიანებები.
მძღოლის თქმით, იმ შემთხვევაში თუ ფინანსთა მინისტრი 16:00 საათამდე ხორბლის გადამზიდავ მძღოლებს არ შეხვდება და პრობლემის გადაჭრაში არ დაეხმარება, გამორიცხული არ არის სიტუაცია გამწვავდეს.
გეზ-ის ტერიიტორიაზე შეკრებული არიან პროტესტის მონაწილე სხვა მძღოლები და ისინი პრობლემის მოგვარებამდე აქციის დასრულებას არ აპირებენ.
სატვირთო ავტომობილების მძღოლების პროტესტი გამოიწვია ფინანსთა სამინისტროს ახალმა რეგულაციამ, რომლის თანახმადაც, საქართველოში სახმელეთო გზით ხორბლის გადაზიდვა იკრძალება.
