საპარლამენტო უმრავლესობის წევრი ნინო წილოსანი მიიჩნევს, რომ ტაქსების რეგულაცია თბილისის მერის ერთ-ერთი საუკეთესო წამოწყებაა.

„თბილისის ტაქსის იერსახე და ტექნიკური უსაფრთხოება მიმზიდველი უნდა იყოს არამარტო ტურისტებისთვის, როგორც ქალაქის სავიზიტო ბარათი, არამედ უდავოდ მნიშვნელოვანია ადგილობრივებისთვისაც. სწორედ ამიტომ მინდა აღვნიშნო, რომ ტაქსების რეგულაცია თბილისის მერის ერთ-ერთი საუკეთესო წამოწყებაა. განსაკუთრებით მნიშვნელოვანი კი ის არის, რომ ეს პროცესი მიმდინარეობს სწორი გადაწყვეტილებებით და დაცულია როგორც მგზავრების, ასევე ტაქსის მძღოლების ინტერესები“, - აცხადებს ნინო წილოსანი.

შეგახსენებთ, რომ ამ დროისთვის ტაქსის ლიცენზიის 12 000-მდე ნებართვაა გაცემული.