„ქართული ოცნების“ დანაშაულია, რომ პარლამენტში არის კრიმინალური ელიტა, რომელიც აქეთ კითხულობს ნოტაციებს და ლექციას, - აღნიშნული განცხადება იურიდულ საკითხთა კომიტეტის სხდომაზე ფრაქცია „საქართველოს პატრიოტების“ წევრმა ადა მარშანიამ გააკეთა. მარშანიას შეფასებით, „ნაციონალურ მოძრაობას“ პოლიტიკური საქმიანობა უნდა აეკრძალოს და წინა ხელისუფლების წარმომადგენლების სამართლებრივი პასუხისმგებლობის საკითხი უნდა დადგეს.

„არ იქნება სამართლიანობა, არ იქნება მშვიდობა ქვეყანაში“, - აღნიშნა მარშანიამ.

იურიდულ საკითხთა კომიტეტი ფრაქცია „საქართველოს პატრიოტების“ მიერ მომზადებულ რეზოლუციის პროექტზე მსჯელობს, რომელიც „ნაციონალური მოძრაობის“ მმართველობის დანაშაულებრივ რეჟიმად გამოცხადებას და წინა ხელისუფლების პოლიტიკური თანამდებობის პირების პასუხისგებაში მიცემას ითვალისწინებს.