გიორგი ჩივიაშვილი - ვანო მერაბიშვილს გაფართოებული აქვს მარჯვენა თვალის გუგა, თვალის კაკალი არის დაპატარავებული და უკან გადაწეულია, პრაქტიკულად, სახის დამბლაა

ვანო მერაბიშვილს გაფართოებული აქვს მარჯვენა თვალის გუგა, თვალის კაკალი არის დაპატარავებული და უკან არის გადაწეული, პრაქტიკულად, სახის დამბლაა გამოწვეული ამ დაავადების გამო, - ამის შესახებ ვანო მერაბიშვილის ადვოკატმა გიორგი ჩივიაშვილმა პრესკონფერენციაზე განაცხადა.

მერაბიშვილის ოჯახის წევრები და ადვოკატები მოითხოვენ, რომ ვანო მერაბიშვილის კლინიკაში გადაყვანა მათთან შეთანხმებით განხორციელდეს. გარდა ამისა, ისინი მოითხოვენ, რომ მერაბიშვილის მკურნალობის პროცესში ოჯახს უცხოელი ექიმების ჩართვის შესაძლებლობაც მიეცეს.

„ქალბატონმა თეა წულუკიანმა გააკეთა განცხადება, რომ ივანე მერაბიშვილის ჯანმრთელობასთან დაკავშირებით არანაირი პრობლემა არ არსებობს. ამ განცხადებიდან ზუსტად 8 საათში ივანე მერაბიშვილი გადაიყვანეს სამოქალაქო კლინიკაში „მედიქლაბში“. სრული პასუხისმგებლობით ვაცხადებ, რომ დღემდე ივანე მერაბიშვილის დიაგნოზი დადგენილი არ არის. ჩვენ ვიცით მხოლოდ ერთი რამ, რომ ეს ადამიანი 5 ჯერ იქნა კლინიკაში გადაყვანილი, ვიცით, რომ მას აქვს ჰორნერის სინდრომი, მაგრამ რითია გამოწვეული ეს სინდრომი, დღემდე არ გვეუბნებიან. ჩვენ გვაქვს ძალიან ბევრი კითხვის ნიშანი ამასთან დაკავშირებით.

ოჯახის წევრებთან და ადვოკატებთან არ ხდება შეთანხმება, როდესაც მერაბიშვილი გადაყავთ სამოქალაქო კლინიკებში. არ ვიცით, რა გამოკვლევები უტარდება. ჩვენი მოთხოვნაა, რომ როდესაც მერაბიშვილის გაყვანა მოხდება მრავალპროფილურ კლინიკებში, იყოს ოჯახის წევრებთან შეთანხმებული. ასევე, ვითხოვთ, რომ მოგვეცეს შესაძლებლობა ჩავრთოთ უცხოელი ექიმები და ისინი შეუშვან იმ კლინიკაში, სადაც მერაბიშვილი იქნება მოთავსებული.

უკვე ორ თვეზე მეტია გვეუბნებიან, რომ არის ჰორნერის სინდრომი, გვეუბნებიან, რომ ამ სინდრომის უკან შეიძლება იდგეს უმძიმესი დაავადებები, როგორიც არის სიმსივნე, ინტოკსიკაცია, ინსულტი და ამავდროულად გვეუბნებიან, რომ არ აქვთ დადგენილი რამ გამოიწვია ეს ჰორნერის სინდრომი.

აღნიშნულთან დაკავშირებით მივმართეთ ასევე სახალხო დამცველის აპარატსაც და ვთხოვეთ, რომ იყოს მკაცრი მონიტორინგი მერაბიშვილის მკურნალობასთან დაკავშირებით,“ - განაცხადა გიორგი ჩივიაშვილმა.

იმ გამოკვლევების შესახებ სამედიცინო დასკვნა, რომელიც მერაბიშვილს „ავერსის“ კლინიკაში ჩაუტარდა, ადვოკატების ინფორმაციით, მათ დღემდე არ მიუღიათ. მათი თქმით, ეს ბევრ კითხვას აჩენს.

„მისი „ავერსის“ კლინიკაში გადაყვანის შემდეგ დღემდე არ მოუციათ ჩვენთვის სამედიცინო დასკვნები, რომელთა გადაგზავნაც უცხოელ ექიმებთან გვსურს. ასევე გვინდა, რომ ეს დასკვნა სხვა ქართველ ექიმებსაც ვაჩვენოთ. გუშინ იუსტიციის მინისტრი საუბრობდა „ავერსის“ კლინიკაში ჩატარებულ კვლევებთან დაკავშირებით, მაშინ როდესაც ჩვენ ამ დასკვნების შესახებ საერთოდ არაფერი ვიცით. ერთი კვირაა ვითხოვთ ამ დასკვნებს.

ორი თვის განმავლობაში მისი დაავადება პროგრესირებს და არ რეგრესირებს. ეს თვალითაც შესამჩნევია. მას გაფართოებული აქვს მარჯვენა თვალის გუგა, თვალის კაკალი არის დაპატარავებული და უკან არის გადაწეული, პრაქტიკულად სახის დამბლაა გამოწვეული ამ დაავადების გამო,“ - განაცხადა ჩივიაშვილმა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა