„საერთაშორისო გამჭვირვალობა-საქართველოს“ წარმომადგენელი - პარტიების დაფინანსების თვალსაზრისით, საინტერესო ამ ეტაპზე საპრეზიდენტო არჩევნებისთვის არაფერი ხდება

შეიძლება ითქვას, პარტიების დაფინანსების თვალსაზრისით, საინტერესო ამ ეტაპზე საპრეზიდენტო არჩევნებისთვის არაფერი ხდება, - ამის შესახებ ჟურნალისტებს პოლიტიკური ფინანსების გამჭვირვალობისა და კანონიერების მონიტორინგის საკითხებზე მომუშავე დროებითი საკონსულტაციო კომისიის მეორე სამუშაო შეხვედრის შემდეგ „საერთაშორისო გამჭვირვალობა - საქართველოს“ წარმომადგენელმა გიგი ჩიხლაძემ განუცხადა. მისი თქმით, დღევანდელ შეხვედრაზე არასამთავრობო ორგანიზაციებმა ზოგადი ინფორმაცია მიიღეს შემოწირულებებთან დაკავშირებით.

„მივიღეთ ზოგადი ინფორმაცია შემოწირულებებთან დაკავშირებით. ვისაუბრეთ შემოსულ ერთ საჩივარზე. დაჯარიმებული, როგორც ინფორმაცია მოგვაწოდეს აუდიტის სამსახურში, არავინ არის. შეიძლება ითქვას, პარტიების დაფინანსების თვალსაზრისით საინტერესო ამ ეტაპზე საპრეზიდენტო არჩევნებისთვის არაფერი არ ხდება. თუმცა, ჩვენი მხრიდან გავამახვილეთ ყურადღება კანდიდატების ხარჯებთან დაკავშირებით, განსაკუთრებით იმ არაორდინალურ სიტუაციაში, როდესაც მმართველ პარტიას არ ჰყავს კანდიდატი და ჰყავს საკუთარი დამოუკიდებელი ფავორიტი კანდიდატი. ყველა ჩართული მხარე მაქსიმალურად უნდა დააკვირდეს, ხომ არ ხდება მათ შორის რესურსების გადანაწილება. ამ მიმართულებით აუდიტის სამსახურს აქვს გარკვეული გეგმები მათი ხარჯების დაკვირვებასთან დაკავშირებით“, - განაცხადა ჩიხლაძემ.

„საქართველოს ახალგაზრდა იურისტთა“ ასოციაციის აღმასრულებელი დირექტორის ირმა პავლიაშვილის განცხადებით, ერთ-ერთი მთავარი პრობლემა ამ ეტაპზე არის „ფეისბუქ“ გვერდების დაფინანსება.

„აუდიტის სამსახურმა წარმოგვიდგინა ხარჯები, თუ რა ტიპის შემოწირულებებია, როგორ მიმდინარეობს ეს პროცესი. ჩვენ ვიმსჯელეთ „სამართლიანი არჩევნების“ და საია-ს მიერ წარდგენილ ინფორმაციებზე. ზოგადად უნდა ითქვას, რომ არჩევნებზეც იკვეთება ის პრობლემა, რაც 2017 წელსაც იყო. ეს არის სოციალური მედიის ფარგლებში „ფეისბუქ“ გვერდები, რომელიც დაფინანსებულია. მნიშვნელოვანია ამ კუთხით გაგრძელდეს მუშაობა და აუდიტის სამსახურს ჰქონდეს ინსტრუმენტი, რომელიც რეალურად შესაძლებელს გახდის ფინანსების გამჭვირვალობა დაზუსტდეს“, - აღნიშნა პავლიაშვილმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა