აზიის განვითარების ბანკი აღმოსავლეთ-დასავლეთის ჩქაროსნული ავტომაგისრალის 12-ე კმ მონაკვეთის მშენებლობას დააფინანსებს

აზიის განვითარების ბანკმა (აგბ) საქართველოს მთავრობასთან დღეს ხელი მოაწერა 300 მილიონი დოლარის ღირებულების სასესხო ხელშეკრულებას, რომელიც მიზნად ისახავს საქართველოს აღმოსავლეთ-დასავლეთის ჩქაროსნული ავტომაგისრალის ახალი, ოთხზოლიანი, 12-კილომეტრიანი ხევი-უბისას მონაკვეთის მშენებლობას, - ამის შესახებ „ინტერპრესნიუსს“ აზიის განვითარების ბანკიდან აცნობეს.

„აღმოსავლეთ-დასავლეთის დამაკავშირებელი ავტომაგისტრალის პროექტი ხელს შეუწყობს როგორც საქართველოსა და რეგიონის შიდა მიმოსვლას, ასევე ევროპისა და აზიის ერთმანეთთან დაკავშირებას. საქართველოს მთავრობასთან ჩვენი თანამშრომლობა ბოლო სამი წლის განმავლობაში განუხრელად იზრდება და გვეამაყება, რომ ვმონაწილეობთ ამ მნიშვნელოვან ინიციატივაში, რაც ქართველ ხალხს გაუმჯობესებულ ინფრასტრუქტურას და მეტ ეკონომიკურ შესაძლებლობას მოუტანს“, - განაცხადა აზიის განვითარების ბანკის მუდმივი წარმომადგენლობის ხელმძღვანელმა საქართველოში იეშიმ ელჰან-კაიალარმა.

აღმოსავლეთ-დასავლეთის დამაკავშირებელი ავტომაგისტრალი საქართველოს მთავარ სატრანსპორტო დერეფანს წარმოადგენს და მასზე ქვეყნის საერთაშორისო ვაჭრობის 60% მოდის. ის ასევე ერთ-ერთია ცენტრალური აზიის რეგიონული ეკონომიკური თანამშრომლობის იმ ექვს ტრანსკონტინენტურ სატრანსპორტო დერეფნებს შორის, რომლებიც რეგიონის სავაჭრო მიმოსვლას და ეკონომიკურ კავშირებს უზრუნველყოფენ. პროექტის დასრულება 2024 წლისთვისაა დაგეგმილი.

აგბ-ს მიზანია, ხელი შეუწყოს აზიისა და წყნარი ოკეანის რეგიონის წარმატებულ, მრავალმხრივ, მედეგ და მდგრად განვითარებას. ამავდროულად, ის კვლავაც აგრძელებს მუშაობას რეგიონში უკიდურესი სიღარიბის აღმოსაფხვრელად. 1966 წელს დაარსებული ორგანიზაცია აერთიანებს 67 ქვეყანას, მათ შორის 48 აზიის რეგიონიდანაა წარმოდგენილი. 2017 წელს აგბ-ს მიერ განხორციელებული პროექტების ჯამურმა ღირებულებამ 32.2 მილიარდი აშშ დოლარი შეადგინა, მათ შორის 11.9 მილიარდი თანადაფინანსების სახით.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს