ისრაელის პრემიერ-მინისტრმა ბენიამინ ნეთანიაჰუმ სატელეფონო საუბარი გამართა რუსეთის პრეზიდენტ ვლადიმერ პუტინთან და განაცხადა, რომ მას უახლოეს დროში შეხვდება. ამის შესახებ ისრაელის პრემიერ-მინისტრმა მთავრობის სხდომაზე განაცხადა.

„ტელეფონით ვესაუბრე რუსეთის პრეზიდენტს ვლადიმერ პუტინს. შევთანხმდით, რომ ჩვენს შეიარაღებულ ძალებს შორის მნიშვნელოვანი კოორდინაციის გაგრძელების მიზნით ერთმანეთს უახლოეს დროში შევხვდეთ“, - აღნიშნა ბენიამინ ნეთანიაჰუმ.

ისრაელის პრემიერ-მინისტრის თქმით, „ისრაელი მუდმივად იმოქმედებს იქიდან გამომდინარე, რომ არ დაუშვას ირანის მიერ სირიაში სამხედრო ბაზების შექმნა და „ჰეზბოლასთვის“ შეიარაღების გადაცემა“.

ისრაელისა და რუსეთის ლიდერების შეხვედრის თარიღი ჯერ არ დაზუსტებულა.