თბილისის საქალაქო სასამართლოში ბარნოვის ქუჩაზე მოკლული 25 წლის თაკო გამრეკელაშვილის საქმეზე ფსიქოლოგის თანდასწრებით მის მცირეწლოვან შვილს გამოკითხავენ, რომელიც გამოძიების ინფორმაციით, მკვლელობას შეესწრო.

მკვლელობაში ბრალდებული ვეფხია ბაქრაძის სასამართლო პროცესზე, დღეს, გარდა მცირეწლოვანი ბავშვისა, ორი ფსიქოლოგი და მოკლული გამრეკელაშვილის დაც გამოიკითხება.

სასამართლოში იმყოფება მოკლული თაკო გამრეკელაშვილის დედა, ნათელა გობაძეც. მას პროცესის დაწყებამდე ჟურნალისტებთან კომენტარი არ გაუკეთებია.

შეგახსენებთ, რომ 13 აპრილს, თბილისში, ბარნოვის ქუჩაზე 25 წლის თამარ გამრეკელაშვილს ყელი გამოჭრეს. მომხდართან დაკავშირებით შს სამინისტრომ 14 აპრილს, მოკლულის მამინაცვალი, ვეფხია ბაქრაძე თელეთში დააკავა.