ეროვნულ ბიბლიოთეკაში 25 ოქტომბერს აკაკი ბაქრაძის კაბინეტი გაიხსნება. როგორც „ინტერპრესნიუსს“ საქართველოს პარლამენტის ეროვნული ბიბლიოთეკიდან აცნობეს, აკაკი ბაქრაძის სახელობის კაბინეტი ეროვნული ბიბლიოთეკის მეექვსე კორპუსში (ს. ცინცაძის 63) მწერლის, პუბლიცისტისა და საზოგადო მოღვაწის 90 წლის იუბილესთან დაკავშირებით გაიხსნება.

„აკაკი ბაქრაძის კაბინეტში ეროვნული ბიბლიოთეკის სამოქალაქო განათლების განყოფილება იმუშავებს და კაბინეტის სპეციფიკაც სამოქალაქო განათლების მიმართულება იქნება“, – აცხადებენ ეროვნულ ბიბლიოთეკაში.