საქართველოს პრეზიდენტი გიორგი მარგველაშვილი ეუთოს/დემოკრატიული ინსტიტუტებისა და ადამიანის უფლებების ოფისის (OSCE/ODIHR) სადამკვირვებლო მისიას შეხვდა, რომელიც 1999 წლიდან სისტემატურად აკვირდება ქვეყანაში გამართულ არჩევნებს.
პრეზიდენტის პრესსამსახურის ინფორმაციით, როგორც მისიის წარმომადგენლებთან შეხვედრისას აღინიშნა, საქართველოს მჭიდრო თანამშრომლობა აკავშირებს OSCE/ODIHR-თან და საქართველოს ხელისუფლება მზადაა მაქსიმალური დახმარება გაუწიოს მისიას ეფექტიან ფუნქციონირებაში.
შეხვედრა საპრეზიდენტო არჩევნებს და წინასაარჩევნო გარემოს საკითხებზე მსჯელობას შეეხო.