„ბიბლუსი გალერეაში“, გამომცემლობა „პალიტრა L“-სა და „ბასტი-ბუბუს“ ერთობლივი პროექტის, ბასტი-ბუბუს თოჯინების წარდგენა გაიმართება.

„ბიბლუსის“ ინფორმაციით, პროექტის მხიარულ პრეზენტაციას წაიყვანენ: ბაბილინა, ბასტი, ბუბუ და ბავშვები. ამასთან, პატარებს საინტერესო სიურპრიზები ელით: სახალისო გათამაშება, სახის მოხატვა და მუსიკალური შოუ.

„ბასტი და ბუბუ 25 წელზე ყველა თაობის ერთ-ერთ საყვარელ პერსონაჟებად მოიაზრებიან. პროექტი მათ კიდევ უფრო დააახლოვებს ახალ თაობასთან, მშობლებს კი ბავშვობას გაახსენებს. პროექტის ფარგლებში 4 სახის თოჯინა იქნება ხელმისაწვდომი, რომელიც ორიგინალური ილუსტრაციების მიხედვით შეიქმნა“, - ნათქვამია „ბიბლუსის“ მიერ გავრცელებულ ინფორმაციაში.

პრეზენტაცია, დღეს, 19:00 საათზე, ჭავჭავაძის #7-ში, „ბიბლუსი გალერეაში“ გაიმართება.

ღონისძიების ბმული: https://www.facebook.com/events/1926725564083376/