მთავარმა პროკურორმა გორში არასრულწლოვანი გოგონას მკვლელობის საქმის მიმდინარეობაზე ინფორმაცია მოისმინა

საქართველოს მთავარი პროკურორი შალვა თადუმაძე გორში, 2018 წლის 25 ოქტომბერს მომხდარი არასრულწლოვანი გოგონას მკვლელობის საქმის ზედამხედველ პროკურორს ზაზა მეტონიძეს შეხვდა.

მთავარი პროკურატურის პრესსამსახურის ინფორმაციით, შეხვედრაზე შალვა თადუმაძემ მომხდარი ფაქტის გამო მწუხარება გამოთქვა და შიდა ქართლის პროკურორთან სისხლის სამართლის საქმის შესახებ ისაუბრა.

უწყების პრესსამსახურში აღნიშნავენ, რომ მთავარმა პროკურორმა ზაზა მეტონიძეს მკვლელობის საქმის გახსნის პროცესში განხორციელებული ეფექტიანი საპროკურორო ზედამხედველობისთვის მადლობა გადაუხადა და განაცხადა, რომ მნიშვნელოვანია დაზარალებულებს და საზოგადოებას სამართლიანობის განცდა ჰქონდეთ, რისთვისაც საქართველოს პროკურატურა ყველა საჭირო ღონისძიებას განახორციელებს.

გორში, 9 წლის გოგონას მკვლელობაში ბრალდებულ ი.ნ.-ს აღკვეთი ღონისძიების სახედ პატიმრობა აქვს შეფარდებული. მას პროკურატურამ ბრალდება საქართველოს სისხლის სამართლის კოდექსის 109-ე მუხლის 3-ე ნაწილით წარუდგინა, რაც სასჯელის სახით 16-დან 20 წლამდე, ან უვადო თავისუფლების აღკვეთას ითვალისწინებს. შინაგან საქმეთა სამინისტრო საქმეზე აქტიურ საგამოძიებო მოქმედებებს განაგრძობს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს